إعدام 25 مليون كتاب مدرسي بتكلفة مليار جنيه لأن وزارة التعليم نسيت وطبعت مناهج قديمة
المصريون : بتاريخ 15 - 9 - 2007
فضيحة بكل المقاييس تفجرت مؤخرا داخل أروقة وزارة التربية والتعليم.. فالوزارة قامت بطبع 25 مليون نسخة كتاب من مناهج اللغة العربية والأنشطة للصفوف الأول والثاني والثالث الابتدائية بتكلفة مليار جنيه تقريبا..
بعد طباعة هذه الكتب وإرسالها لمديريات التعليم بالمحافظات أصدرت الوزارة تعليمات لاحقة بعدم توزيعها على الطلاب وإعادة إرسالها للوزارة لإعدامها.. وعجبي..
الخبر من صحيفة المصريون
**************
إذا لم يكن هذا إهدار للمال العام يستحق القائمون عليه أن يعدموا في مكان عام عقابا لهم على اهمالهم الجسيم في حقنا جميعا وتضييع هذه الاموال الطائلة فضلاً عن إضاعة الوقت الذي ضاع في طباعة هذه الكمية من الكتب
فماذا نسمي هذا العبث والتهريج ؟؟
وماهو العقاب المنتظر لمن تسبب في تضييع هذه الاموال؟؟
أم أن الامر سيتم دفنه او اعدامه كم تم اعدام هذه الكتب بالضبط !!!!
حسبنا الله ونعم الوكيل
33 comments:
هو بصراحة الخبر دة عبيط جدا
اولا بالعقل 25 مليون كتاب ازاى? اذا كان
عدد الشعب 75 مليون يعني ربع الشعب في الابتدائي!
الحكومة هباب بس الخبر دةغريب
و شكرا
و كمان ميزانية الوزارة حوالي 8 مليار
طول السنة يقوموا يطبعوا بمليار كتاب واحد للابتدائي
ابقي حللي الخبر الاول و شكرا
في رأيي .. لا أستبعد ذلك على الوزارة..
فالوزير سعيد بالظهور في التليفزيون وتكرار رطانة حزبه السمجة.. لكنه نسي أن يفهم بعضاً من رطانته تلك..
أهمية التوصيف الوظيفي ..
job description
يعني وصف بأهم واجبات الشخص في مركزه.. ومن أهم واجبات الوزير في مركزه وضع السياسات والقيادة الإدارية لوزارته.. بمعنى معالجة المشاكل الحالية والتخطيط لمواجهة المستقبلية ..
الوزير المحترم أسقط الشق الإداري من حساباته.. وهو لا يعلم .. أو ربما نسي أن ضياع الشق الإداري قد ينعكس بشكل مدمر على كل ما ينتوي عمله من "إصلاحات"-إن كانت كذلك!
اسمحي لي بالتعقيب على تعليق زميلنا محمد حسن..
عدد الكتب ليس مبالغاً فيه بالمرة..
راجع متن الخبر : مناهج اللغة العربية ، والأنشطة للصفوف الأول والثاني والثالث الابتدائية..
مادتين وثلاث سنوات..
مبدئياً سنقسم 25 على 6 ..سنصل لأن كل دفعة بها أربعة ملايين في كل صف .. وهذا "منطقي جداً" في ظل تعداد السكان الحالي..
أزيدك من الشعر بيت :بالنسبة لعدد الكتب يفترض به أن يكون أكبر من عدد الطلاب لاحتمال وجود توالف أو نواقص أو حدوث كوارث أو مشاكل قد تدفع لتوصيل عدد أكبر من الكتب للطلاب في المناطق المضارة .. كما أن الفائض قد يصلح للتوزيع في الأعوام التالية..
كل عام أنتم جميعاً بخير .. وسأعود قريباً بإذن الله للكتابة في "الصحافة فين التعليم أهه"..
عارفة انا عندى كانوا يدرسوا المنهج القديم افضل ما يحرقوا الكتب
قال يعنى الجديد هيفرق عن القديم
اصبح كل الاخبار ممكن تصديقها من اى احد وفى اى موقع
كنوز
كل سنة وانت طيب ورمضان كريم
مرحبا بك
والله يااخي العزيز عن نفسي لم استغرب الخبر لان الاهدار للمال العام في كل مكان وكما تفضل اخي قلم جاف وقال لك
لو نظرت للخبر مرة اخرة ستجد ان الكتب تخص اللغة العربية وانشطة اخرى ولعدد من سنوات الدراسة وليس لتلاميذ سنة دراسية واحدة
وطبعا عدد الكتب يجب ان يكون اكثر من العدد لافعلي للطلبة تحسبا لاي طارئ قد يحدث وتحسبا للاخطاء التي تكتنف عملية طباعة الكتب
وانت تعرف ان الكتب غالبا لايتم مراجعتها لكشف الاخطاء الموجودة بها
والدليل على عدم المتابعة ان الكتب تم توزيعها وبعد ذلك اكتشوفا انها مناهج قديمة
يعني كمان نايمين على ودانهم
كنورز مرة اخرى
تحليل الخبر قلته في ردي السابق
وشكرا لك على متابعتك وتحريك الدقة
قلم جاف
مرحبا بك وكل سنة وانت طيب
واضح طبعا ان السيد الوزير ليس لديه وقت لمتابعة عمله الاصلي كوزير للتعليم ويكفيه التصريحات الاعلامية وحملات التلميع الورنيشي التي يقوم بها فريق عمله
هم ح يقطعوا نفسهم يعني
وشكرا على توضيحك فيما يخص التعليق على مداخلة الاخ محمد
وفي انتظار مداخلتك عن التعليم لاتغب عنا
الطائر الحزين
كل سنة وانت طيب ورمضان كريم
كده بقى ازعل منك قوي
يبقى انت اكيد فاكر نفسك في بلد تانية غير مصر
يعني ايه يدرسوا المناهج القديمة ومايعدموش الكتب ؟؟
ده كلام
دي سبوبة ياعزيزي ووراها طابور طويل من الهليبة والمنتفعين
يعني عايز المليار التاني مايخرجش من الجزينة ويروح لاصحاب نصيبه
مالكش حق
واساسا الوزارة ميزانيتها لم تزد الكثير هذة السنة!!!
شيء غريب فعلاً واهمال عجيـب
بكرة مش شعدموا الكتب
يعدمو التلاميذ كمـان !!
..
تحـياتي
كالعاده لا يمكن ان استبعد حدوث الحدث ولا اندهش لمثله
كما لا استبعد كذب الخبر ولا اتعجب ان كان
عادي عادي
تحصل وليه لأ يعني
ماهو الاهمال وصل في كل حاجة
25 مليون كتاب ياظلمة
منهم لله بجد
قال يعني يهمهم الطلبة تتعلم صح...ههههه
يا رب مايكونوش ولعوا في الكتب..احنا مش ناقصين سحب سوداء في سماء القاهرة...اتمنى انهم يكونوا اذكى من كده ويبيعوهم لمحلات الفول يطلعوا على الورق الطعمية والبدنجان
ما هو الجديد
هذا ما اعتدنا علية
تحياتى
حاجة مش جديدة
أمال ايه اللي جايب مصر ورا
وطبعا ما حدش تنتظر أن المسئول يعاقب
ده لو عرفنا أصلا مين المسئول
أحنا خلاص اتعودنا
والله كتر خير مصر
بقالها 3000 سنة بتتسرق
ولسة فيها خير
والله كتر خير مصر
ما هما يقرفوا الشعب الغلبان
شوية ضرايب على تامينات على اى اختراع المهم يبزوهم باى شكل من الاشكال وفى النهاية يحرقوا الكتب ومعاها دمنا بيتحرق
واطفال الشوارع بتتبهدل وفى اللى فى العشوائيات بيتذلوا
حسبنا الله ونعم الوكيل
وايه يعني مليار
البلد مليانة فلوس والحمد لله
اصرفو يا جماعة ومتخلوش نفسكم في حاجة
تحيا مصر
كل سنة وانتو طيبين
و ليه ميكونش شوية كتب قديمة موجودة تكلفتها مثلا كام الف كده
و رجعوا الوزارة لان المنهج قديم
ولما لموهم و اعدموهم قالوا يعنى حد حيجى يفتش فى العادم قيمته كام
ما تيجى يا خونا نخليها مليار
ماهى قريبة برده
وهو بدل اعدام
فيدخل للاعدام كام الف
ويطلع معدوم ب مليار
ما هو احنا اللى المسؤلين عندنا سحرة
يحطوا الحمامة جوا الطاقية
ويطلعوا الطاقية فاضية
وعجبى
وتحية طيبة لكى
موضوع الكتب ده بالذات داخل فيه فساد كبير جدا وده كلام الناس اللي شغالة في المجال ده بجد
الموضوع اكبر من كده بكتير جدا ده نقطة في بحر كبير
ربنا يستر
تحياتي
ibn nasser - ابن ناصر
مرحبا بك
كل سنة وانت طيب
التلاميذ تم اعدامهم بالفعل عندما تم اعدام أولياء أمورهم وتكبيلهم بمصاريف الدروس الخصوصية والغلاء الضارب في كل شيئ بلا استثناء
ربنا يستر من القادم
Mohamed A. Ghaffar
كل سنة وانت طيب ورمضان كريم
لايوجد اي شيئ غريب في هذا البلد ولانستبعد حدوث اي شيئ
الفساد ضارب بجذوره في كل مكان
غمض عينيك
مرحبا بك
وكل سنة وانت طيب
طالما لم يحاسبهم أحد في حوادث اهدار مال عام سابقة فطبيعي ان يزداد العدد كل مرة تمهيدا لسد الافواه المفتوحة التي تكثر عقب كل جريمة فساد واختلاس مال عام
ربنا ينتقم منهم
Marvel
مرحبا بك
وكل سنة وانت طيب
يهمهم الطلبة لا طبعا
كل مايهمهم نهب الاموال بحجة الطلبة
أما اعدامهم بقى فطبعا سيكون بطريقة عدة للبيئة ونحن متخصصون في الطرق البديلة التي تزيد من معاناة المواطنين خاصة من يعانون من الحساسية وخلافه
انتم عايزين لاسمح الله تخلص بيئي آمن من كمية كتب زي دي ازاي
هذا لو كان الرقم صحيح اصلا
ههههههههههههه
goodman
مرحبا بك
كل سنة وانت طيب
والله عندك حق
هو فعلا الجديد كان سيكون توزيع الكتب على الطلاب مجانا مثلا او طبع كتب صح وتوزيعها على الطلبة حتى الذين لم يدفعوا مصروفات المدرسة
هذا هو غير العادي في هذه الايام الغبراء
el_assel
مرحبا بك
وكل سنة وانت طيب
طبعا الفاعل مجهول
او الفاعلين مجهولين
ولن يتم تقديم اي فاعل للمحاكمة والا ستدخل الوزارة تقريبا السجن لاشتراك عدد كبير في مهازل اهدار المال العام بطرق مختلفة ومبتكرة
الحقيقة انهم ذوي عقليات لصوصية خلاقة ويبتكرون اساليب جديدة لنهب المال العام
وفعلا البلد لسه فيها خير كتير بدليل انها لسه بتتنهب
بس الغريبة اننا ساكتين وسايبينها بتتنهب
Desert cat
مرحب قطة الصحراء
كل سنة وانت طيبة
طبعا ياعزيزتي التخصص مطلوب
متصورة يعني ح يجيبوا ناس تشتغل في وزارة حيوية زي وزارة التعليم ولايتمتع العاملين بها بمواهب خاصة في عكننة اولياء الامور وحرق دمهم
طبعا لا
دي وزارة خدمية وتحتك باكبر قطاع من الجماهير ولابد تكون فعالة في الحرائق
وكلما تكلفت الحريقة كلما كانت فعالة اكثر طبعا في حرق دمنا
كما يحدث الآن
ربنا ينتقم منهم
هؤلاء لايهمهم اولاد الشوارع ولا اولاد اي حاجة
كل مايهمهم ماسيدخل حساباتهم البنكية وبس
القلم السكندري
مرحبا بك وكل سنة وانت طيب
الحقيقة هم مايتوصوش على عملية الصرف دي
والنتيجة زي ماانت شايف كده مليار جنية مصيرهم الصرف والصرف الصحي كمان
ولا عزاء للملايين من الشعب المطحون
Esmat
مرحب عصمت
وكل سنة وانت طيبة
والله فكرة برضه
تلاقي فعلا ده اللى حصل ومليون من مليار مش بعيدة يعني
وممكن يكونوا راكنين الكتب دي لعملية اعدام مستقبلية تكلف الخزينة مليارات اخرى
وماخفي في مخازن الوزارة اعظم
وكله على قلب الزبون
انا حر
مرحبا بك
وكل سنة وانت طيب
المشكلة اخي الكريم ان كل شيئ في بلدنا فيه تلاعب ودائما يكون كبير
يعني لانصادف هذه الايام تلاعب صغير
بل كل شيئ تضخم حتى اصبح لا وجود لشيئ اسمه حرامي او لص على قده
كلهم اصبحوا حيتان
والضحية نحن
والخوف كل الخوف من البحر وارتفاع امواجه من كثرة النقاط
فنغرق جميعا في تسونامي كبير
Today nobody if can forget:
جمال عبد الناصر,
15/1/1918/ - 28/9/1970
The Great, Gamal Abdel Nasser
David Santos
السلام عليكم طبعا يمكن اجمل حاحه فى الخبر ان الحكومه طلع عندها دم واعدمت الكتب بدال ما كانت عملت عبيطه ودرستهم على انهم كتب جديده وبعدين حساب ايه وفلوس ايه هو فى بين المسؤولين فى البلد وبين بعض حساب
جسبنا الله ونعم الوكيل
ربنا يحرقهم...
مليار جنيه في الأرض والنس مش لاقيه تاكل...
هيروحو من ربنا فين البعده..
Post a Comment